♈︎

Widder
Ide Schtärne schteit, du seusch jede Tag es Rüebli ässe, damit dini orange Pluspoints vor luuter Fröid no id Höchi schiesse.

♉︎

Schtier
Mir verschtöh üs hüt nid mit Wörter, aber mit Vibes.

♊︎

Zwilling
Aus ob du nid fotogen bisch. Du gsesch lowkey us wi öpper usemne Pinterest Board.

♋︎

Chräbs
Inere Wäut vouer fade Mcs-Pommes, bisch du es würzigs Badi-Pommes.

♌︎

Löi
Was e Ehr, wennme vo dir füre eiget Musiggschmack globt wird. Gib mau e Song Recommendation für e chillige Aabe im Marzili.

♍︎

Jungfrou
Es isch scho immer e Frag gsi, obs dr frei Wiue git. Di frei Wiue chasch bruche, um e Wassermelone usszlöffle.

♎︎

Waag
ACHTUNG! Itze wärsch fasch über dini Schuehbändu gstogglet. Heb Sorg zu dir i dene unvorhersehbare Ziite.

♏︎

Skorpion
Du fingsch zWort «cringe» cringe, und doch bruchsch cringe um zWort «cringe» zbeschribe? Bisch verwirrt? Ig ou.

♐︎

Schütz
Wie e Chilefeud-Lehrer mau gseit het: «Wir sind Schweizer, wir sind reich.» Auso gönn dir widermau e Glace.

♑︎

Steibock
Mä merkt dr Effort i dine Komplimänt, aber si töne immer no nid sehr überzügend. Es isch, wi wennde e schlechti Note zrügg bechunsch, obwou du viu hesch glernt – e Pfuscht its Gsicht.

♒︎

Wassermaa
Me chönnt e ganze Roman schribe mite Sache wo du seisch. Leidr würdr bide «Banned Books» lande.

♓︎

Fisch
E Tag ohni di isch wine Tag, wome si Schmuck vergässe het ahzlege.

Anschtatt es Special-Schternzeiche gits e Blick its Mateorakel:

Was dis Lieblingsmate über di usseit:
Blau: Du bisch immer überzügt vo dire Meinig und bisch parat zum Debattiere.
Grüen: Du bisch immer chill druf, egau was passiert.
Orange: Du bisch di coolschti u luschtigschti Person i jedere Fründesgruppe.
Zero: Du schüttlisch dir immer neui Challenges usem Ermu. Was wird’s hüt ech fürne Side Quest?