Von Elena Grünig und Sophia Walker

♈︎

Widder
Tue mau nid dr Held spile, la di la rette!

♉︎

Stier
Dini Zueverlässigkeit macht di zum Lieblingsschüeler vo aune Lehrer.

♊︎

Zwilling
Ir Renaissance wärsch Universalglehrte, so wi du zu Theorie springsch.

♋︎

Krebs
Jackpot! Du bisch z special Stärnzeiche vo dere Usgab. Füu di geehrt. Du bisch Stärnzeiche twin mitem Herr Lorenzetti!

♌︎

Löi
Dini Moodswings gö aune uf d Nerve. Entscheid mau, ob de öppis Süesses oder Sauzigs vom Migi wosch.

♍︎

Jungfrou
Go with the Flow u kritisier nid aues, vor allem nid Mensa-Cookie-Priise!

♎︎

Waag
Bruch di Charme aus Überzügigschraft, vor allem, wenns no um dä halb Punkt geit füre 4er.

♏︎

Skorpion
Leg dis Misstroue nid ab, es bschützt di vor Lebensfreud.

♐︎

Schütz
Ligt di Optimismus im Weg vor Realität oder brucht d Realität di Optimismus?

♑︎

Steibock
Ehrgiz isch e Sterchi vo dir, bis de vorem Tescht seisch, dass de 7 Stund hesch glernt und aui drmit nervös machsch.

♒︎

Wassermaa
Gsesch du eigentlech id Zuekunft, oder wieso weisch immer aues?

♓︎

Fisch
Anstatt z wünsche, dass plötzlech dr Tescht usfauht, wüu dr Lehrer sech dr Arm het broche, lern lieber mau, statt schlächti Energie iz Universum z schicke.